أستاذ أحمد حافظ صحفي بجريدة الأهرام بفجر مفاجأة اللي صور امتحان الثانوية العامة مسئول و ليس طالب خان الأمانة وهذا ليس عدل و أخل بميدأ تكافؤ الفرص
= اللي صور ونشر امتحان الإنجليزي يوم الخميس اللي فات من الحمام، مكنش طالب، ده كان مسؤول من داخل اللجنة، واتعرف، وهيندم ندم عمره على الواقعة دي.
= اللي صور ونشر امتحان الفيزياء النهاردة وهو قاعد في العربية، برضو مش طالب، لكنه مسؤول في لجنة، واتعرف، وهيندم ندم عمره على الواقعة دي.
= لما وزارة التعليم تجيب ناس تحملها الأمانة والمسؤولية علشان يحققوا العدالة، ويطلعوا أول ناس خاينة.. الموضوع أكبر من صورة بيصورها طالب.. الموضوع بقى اللي واقف يأمن الورقة، هو اللي بيصورها وينشرها.. القصة قصة خيانة أمانة وانعدام ضمير.
= القصة قصة ورقة (مجرد ورقة) بتحدد مصير مئات الآلاف من الطلبة.. القصة قصة سؤال درجته بتوديك كلية وتاخدك من كلية وممكن تقلب مصير حياتك كلها.. القصة قصة حبر على ورق مطبوع منه شوية أسئلة هي اللي بتحدد لك مستقبلك.. فيه اللي بيجاوب بجهده وعرقه وفيه اللي يسرق ويجري.
= هقولها تاني وتالت وعاشر.. لو عايزين تقييم عادل وآدمي وإنساني وتربوي وعصري.. انسفوا الثانوية العامة.. انسفوا أي تقييم يشترك فيه بشر متعرفش نواياهم ولا يقدروا يطبقوا العدالة التعليمية بمعناها الحرفي.. انسفوا حاجة اسمها ورقة بتحدد مستقبل أجيال وأجيال.. انسفوا أي حاجة اسمها درجة توديك ودرجة تجيبك.. انسفوها ليحيا التعليم العادل.
امتحان الفيزياء للثانوية العامة 2022 المتداول على مواقع التواصل بإجاباته
https://www.nahdtmsr.com/2022/07/2022_14.html
امتحان التاريخ للثانوية العامة 2022 المتداول على مواقع التواصل بإجاباته