نماذج ومعلومات مهمة عن امتحانات القدرات " كليات تمريض و فنون جميلة و عمارة "2016
ننشر نموذج امتحان القدرات بتمريض القاهرة
اختبار قياس سمات الشخصية "25 درجة"، والمقابلة الشخصية، 25 درجة، المظهر العام من حيث النظافة الشخصية، هندام الملابس، طريقة التحدث، مدى الاستجابة، استخدام مفردات متنوعة، التفكير قبل الجابة، الإنصات وعدم مقاطعة المتحدث، مدى وجود لزمة حركية، مدى التوتر والقلق وكيفية التعبير عنهم، عيوب الممشى.
اختبارات اللياقة الطبية:
يتم التنسيق في بند اختبارات اللياقة الطبية مع معامل وزارة الصحة ومستشفيات الجامعة، التي سيُقيد بها الطالب؛ وذلك نظرا لأن الكشف الطبي قد يحتاج لأجهزة وأدوات غير متوفرة، في الكليات والمعاهد وعليه فلن تكون اللجنة بمقر الاختبار ولكن ينظم الأمر من خلال الكليات والمعاهد مع الحفاظ على سرية النتائج.
ويشترط خلو المتقدم من التشوهات أو العيوب الخلقية، فيروسات الالتهاب الكبدي، الوبائي( ب، ج ) وفيروس العوز المناعي، ومرض الصرع، وأمراض القلب الخطيرة، اختلال السمع، استخدام سماعات أذن، الاختلال الحاد بالرؤية، الأمراض النفسية والعصبية، عدم تناسق الوزن مع الطول، يتم قبول من يتراوح مؤشر كتلة الجسم لديهم ما بين 11 و32، ويعتبر مقياس مؤشر كتلة الجسم أحد المعايير الحاكمة التي يستبعد بسببها المتقدم إذا تجاوز مؤشر كتلة الجسم
1/ إيه هو إمتحان القدرات؟
دة إمتحان بيقيس قدراتك فى كلية فنون جميلة او تطبيقية او تربية فنية ونوعية لمعرفة قدرات التخيل والإبداع يعنى من الأخر بيعرف إيدك تمشى فى الكلية ولا لا ودة مش صعب نهائى بس عايز تدريب وتركيز ومش شرط تكون رسام بيكاسو يعنى ولا يشترط موهبة فذة
2/ إيه أنواعه؟
يعتبر إمتحان القدرات لفنون جميلة حاجتين عمارة وفنون ملهمش علاقة ببعض نهائى
انما فنون تطبيقية ليها امتحان وتربية فنية ليها امتحان ونوعية ليها امتحان وعلى حسب كل كلية
3/إية نظام الامتحانين ل(فنون جميلة) وهل لازم أمتحن الأتنين؟
إمتحان عمارة (لطلبة علمى رياضة بس) وبيأهل لقسم عمارة فقط
إمتحان فنون (لطلبة علمى رياضة وعلوم وادبى) بيأهل لقسم جرافيك ونحت وتصوير وديكور ولكن قسم الديكور لعلمى فى كل الكليات عدا اسكندرية من ادبى.
امتحان فنون تطبيقية بياهل لفنون تطبيقية بكل اقسامها وتربية فنية بتاهل لتربية فنيه
ممكن تختار أى حاجة بس المهم لو عايز تضمن ادخل عدد براحتك من الامتحانات لأنك بتروح قبل ما تعرف نتائج الكلية وقبل التنسيق
بالنسبة (لفنون تطبيقية) بيأهلك لكل الاقسام لانك بتدخل اعدادى وبعد كدة بتتاهل على حسب تقديرك ل14 قسم وتنسيق القسم الداخلى بعد اعدادى وعلى فكرة تطبيقية مش فيها قسم عمارة ولكن فيها ديكور بيسموه هناك (تصميم داخلى واثاث) ودة بياخد اعلى تنسيق ومفيهوش تخصصات (عكس فنون جميلة ديكور من اعدادى وفيه شعبتين)
بالنسبة (لتربية فنية) و(نوعية) امتحانهم سهل جدا وبيأهلك للكلية نفسها
طبعا خلى باااااااااااااالك ان امتحان القدرات لازم تكون مخلص 3 ثانوى ومينفعش بعد كدة تمتحن قدرات (بيكون مرة واحدة بس وعدد براحتك من الامتحان عايز تمتحن فنون جميلة وتطبيقية براحتك)
4/ إزاى أقدم فى إمتحان القدرات؟
بص هما قالوا السنة دى مواعيد التقديم خلال 4 و16 يوليو لسنة 2016 فهتروح على جامعة القاهرة المدينة الجامعية وتسحب استمارة, ولازم تاخد كورس لان الامتحان بعديها ومفيش وقت وتابع الجرايد وقت بوقت لحد ما يعلن الوزير مواعيد الامتحان بالحروف الابجدية يعنى مثلا يوم السبت حرف الميم والنون وهكذا واياك تروح قبل ما يعلنوا مواعيد امتحانات القدرات
طبعا مش شرط تكون ملتزم بحرف يعنى ممكن تسحب استمارة فى يومك وتقدم فى يوم تانى للكلية لو انت مش متدرب كويس ممكن تأجل
اول حاجة هتروح مكتب التنسيق دة فى جامعة القاهرة (وطبعا بيختلف مكتب التنسيق لكل محافظة) وهتركب مترو تنزل محطة جامعة القاهرة وهتلاقى مكروباصات بتقولك مكتب تنسيق بس ممكن تتمشاها عادى وتروح تدفع المصاريف وتاخد معاك صور شخصية وصورة رقم جلوسك وشهادة النجاح وهيدوك استمارة و(ياريت تركز على استمارة الامتحان اللى هتاخدها) تروح توديها ف نفس اليوم للكلية اللى سحبت ليها الاستمارة وتدفع المصاريف فى حدود 250 جنيه وتحدد ميعاد الامتحان
فيه كورسات جامدة جدا ودى احسن كورسات تبع واحد خريج م احمد رشاد ممتاز جدا فرعهم فى العباسية وبس شغالين من سنة 2008 وهيبدئوا السنة دى بعد الامتحانات مباشرة ركزوا معاهم جدا لانهم بيعلنوا كل المواعيد قبل الامتحانات وبيظبطوا كل الامور
وبسعر كويس ورخيص جدا وبيعلموكوا كل حاجة انا نفسي كنت معاهم ونجحت ودى صفحتهم احسن كورسات بيقدموها بتضمنلكوا امتحان القدرات لكل الكليات اضغط هنا لمتابعتهم واخبار القدرات اول باولودى استمارة حجز عاملينها ببلاش لانهم هيبدئوا اول ما تاخدوا اجازة الثانوية العامة من هنا
5/ ايه طيب نظام الامتحان بالنسبة لعمارة فنون جميلة؟؟
فى (فنون جميلة حلوان) بس الباقى الله اعلم بيه
امتحان عمارة ملوش علاقة بانك تكون رسام او لا لانه عبارة عن رسومات هندسية ومناظير نقطتين او نقطة او كروكى بظلال ونور
بيجبلك سؤالين اول سؤال رسم بمنظور هندسى بيطلب منك ترسم بوابة مدرسة تجمع مبانى سكنية ودة رسم بالمسطرة واقلام رصاص 3b/ 6b واول ما الاجازة تيجى هنشرح على المنتدى ازاى ترسمه
ودة مثال بسيط
تانى سؤال دة عبارة عن الثقافة المعمارية ومتتخضش من كلمة ثقافة دة عبارة عن سؤال نظرى ملوش علاقة باى رسم بيجبلك 4 صور وانت بتقول ايه الصور دى وبتكتب معلومات عنهم
مثلا صورة الاهرامات وانت تكتب كل اللى تعرفه
ودايما تلاقى الحاجات دى موجودة فى الكتب اللى فى مركز النور جنب الكلية بس مش كلها
6/ طب ايه نظام امتحان قدرات فنون لفنون جميلة؟؟
فى حلوان اكيد لكن الباقى الله اعلم
امتحان فنون يعتبر زى امتحان عمارة بالظبط بس عايز تركيز
ومحتاج تمرين
عبارة عن 4 اسئلة
اول سؤال هيجبلك تمثال وانت ترسمه وتظلل وساعات اشكال وتكوينات ازايز وقلل وستارة
او ساعات زمان كان بيجيب قلل وفواكه
وبيقولو انهم هيجيبوا تماثيل لاشخاص من حجر ومطلوب رسمها بالتظليل ودى مش صعبة على فكرة
تانى سؤال هيقولك صمم كارت 14 فى 20 مثلا عن ترشيد المياة بالالوان (تصميم ابتكارى)
هتجيب الوان خشب معاك ودة زى رسم اولى حضانة سهل مش محتاج منك اى مجهود غير القدرة على تخيل بسيييييييييط برموز معبرة عن التصميم زى الدعايا والاعلان
تالت سؤال ثقافة فنية عن اى معلومات عامة عن المتاحف الفنية مثلا او المدارس الفنية (زى بتاع عمارة كدة)
ورابعا بيجيبلك سؤال نحت بطين اسوانىعن اى موضوع مثلا الامومة او جسم رياضى ودة بالتدريب مع احمد رشاد
ودى ابسط امثلة
طبعا امتحان فنون تطبيقية بيبقى 3 اسئلة اولهم مناظير هندسية بسيطة بنقطتين والسؤال التانى رسم تكوينات ازايز او اشكال هندسية بتظليل وتالت سؤال تصميم ابتكارى زى ما قولنا قبل كدة
امتحان تربية فنية ونوعية بيبقى سؤالين اولهم تصميم ابتكارى زى ما قولنا والتانى رسم حر فى ربع فرخ عن اى موضوع زى مثلا التلوث او كدة وبتعبر عنه رسم كبير فى الورقة كلها بظلال ونور
الامتحان وقته طويل جداااااااااا 4 ساعات واكتر كمان ولو رسمت بالرسم المريح دة هيتبقى معاك ساعة او نص ساعة اهم حاجة متكونش مستعجل ابدااااا وسيبك من الغش وانك تساعد حواليك لانك هتضيع وقت جامد 
وباذن الله متخافش من الامتحان لانه كويس وجميل بس عايز تركيز شوية ومش محتاج موهبة اوى يعنى
7/ طب ايه مستقبل الكلية؟
كلية فنون جميلة: بالنسبة لعمارة ممكن تاخدها تمرين لو عايز تدخل هندسة ولو مجموعك فرق على درجتين تلاتة اقل من هندسة قدم عمارة وبتاخد نفس الشهادة وبتبقى تبع نقابة المهندسين ومستقبلها احسن من هندسة عمارة لانك بتدرس جانب هندسى وتذوقى وفنى يعنى قدرات ذات طاقة دفع ثلاثية
بالنسبة لديكور لو مجموعك اقل من هندسة ب 15 درجة مثلا بتقدم ديكور وبتدرس نفس مواد عمارة بس عمارة داخليه وبتكون مهندس فنان ومش شرط دخولها موهبة بس ديكور اقل من عمارة فى انها متتبعش نقابة المهندسين للاسف مع انها كانت تتبع بس قريب باذن الله هتتبع النقابة ومستقبلها ممتاز جدااااااا برة مصر وجواها
عدد مهندسين العمارة اكتر من مهندسين ديكور احسبها انت مع نفسك
باقى اقسام فنون محتاجة موهبة اكتر من عمارة وديكور علشان فرص العمل تكون زيهم او اكتر انما عمارة وديكور مش محتاجين موهبة اوى
وديكور بيدرس مواد هندسية ومواد فنية زى عمارة فى حاجات
يعتبر قسم الديكور اسمه البديل عمارة داخلية وتصميم داخلى وبيخرج لقب مصمم معمارى وهندسى وديكورى وداخلى
وقسم جرافيك مش مجرد رسومات بالكومبيوتر وخلاص انما هو عبارة عن رسم بالسيراميك مثلا وبالتطبيقات والادوات والخامات ومحتاج موهبة
اما بقى لكلية فنون تطبيقية اقسام ممتازة لانها عملية جدا متقلش عن فنون جميلة طبعا ولا تزيد
وبالنسبة لتربية فنية ونوعية مفهومين غلط لانه مش بيجبرك على انك تكون مدرس ولكن ممكن تطلع فنان تشكيلى وبتختار فى الكلية عايز قسم تربوى للتدريس ولا تثقيفى للفن
8/ايه ترتيب اقسام فنون جميلة من حيث الافضلية للطالب المتوسط؟؟
أ/ عمارة- مجموعها اقل من هندسة بفروق بسيطةجدا -افضل من هندسة معمارى نظرا لدراسة الجانب الفنى.
ب/ديكور-مجموعها اقل من عمارة بقليل ولو عايز ديكور بتدخل امتحان قدرات فنون فنون ومش عمارة -دراستها مستمدة من عمارة ويمكن بالكورسات توفر فرص عمل عمارة لديكور يعنى تشتغل مهندس معمارى - علمى فقط ماعدا جامعة اسكندرية وفيها تخصصين على حسب رغبة الطالب اول تخصص هو عمارة داخلية ودة بيدرس كل انواع التصاميم لو الطالب حابب جانب هندسى اكتر- وشعبة فنون تعبيرية لو الطالب حابب الجانب الفنى اكتر ودة تصميم ازياء وديكور مسرح وتليفزيون وسينما وبيخرج مهندسين ديكور ومصممين عمارة داخلية وكمان شغل ديكور قوى جدا ومضمون لان الطلبة بتاخد خبرة قوية جدا فى الجانب الفنى والهندسى يعنى م الاخر ديكور بيدرس كل اللى الاقسام بتدرسه وعلشان تدخل قسم ديكور لازم تمتحن قدرات فنون مش عمارة وتكون علمى والكلية بتخليك فى قسم ديكور من اعدادى يعنى تقدر تقول ان ديكور شامل كل الاقسام
وبيخرج مهندسين ديكور ومصممين عمارة داخلية وكمان شغل ديكور قوى جدا ومضمون لان الطلبة بتاخد خبرة قوية جدا فى الجانب الفنى والهندسى يعنى م الاخر ديكور بيدرس كل اللى الاقسام بتدرسه وعلشان تدخل قسم ديكور لازم تمتحن قدرات فنون مش عمارة وتكون علمى والكلية بتخليك فى قسم ديكور من اعدادى يعنى تقدر تقول ان ديكور شامل كل الاقسام
ج/جرافيك- محتاجة موهبة وحب مجال - ادبى وعلمى
د/تصوير - محتاجة موهبة وحب مجال - ادبى وعلمى
ه/نحت - محتاجة موهبة 100% وحب مجال اكتر - ادبى وعلمى
والترتيب دة بالنسبة للطالب المتوسط الموهبة اغلب الناس انما لو واحد موهوب فى الجرافيك مثلا يبقى الترتيب بالنسباله مركز اول جرافيك وهكذا
9/ ازاى بعرف الاقسام فى الكلية؟
لعلمى:
عمارة وديكور قسمين مختلفين من اول سنة بيتم دراستهم اعدادى(اعدادى ديكور وفيه اعدادى عمارة) يعنى كلهم 5 سنين زى هندسة بالظبط وتنمح شهادة بكالريوس فنون جميلة قسم كذا وتقدر تشتغل فى اى مكتب او موقع هندسى بسهولة
ولاحظ انك لو امتحنت فنون جميلة فنون وانت علمى بتدخل اعدادى ديكور مش اعدادى عمارة
ولو انت ادبى هتدخل اعدادى فنون وتانى سنة تتاهل لتلات اقسام (جرافيك او تصوير او نحت)
ادبى:
بتدرس الاول اعدادى فنون يعنى بتدرس جرافيك ونحت وتصوير ووبعد اول سنة بيتم اختيار القسم سواء بتقدير او التقدم بطلب
جامعة الاسكندرية اصبحت تمنح قسم الديكور لادبى من اول سنة شرط ليها تنسيق داخلى اعلى من مجموع الكلية الادبى
جامعة حلوان بياخدوا علمى بس فنون فى ديكور وعمارة ليها تنسيق لوحده
اما فنون تطبيقية بتدرس اعدادى وتانى سنة تتاهل ل 14 قسم على حسب تقديرك والتنسيق الداخلى بعد نتيجتك ف اعدادى
اى استفسااااااااااااااااااااار اسالوه هنا وشكرااا اتمنى انى اكون قدرت افيدكم
.