جدول فترات الصف الأول الإبتدائى لمحافظة القاهرة "2018-2019"
6 فترات لغة عربية " شامل القرائية زى ماهى لكن المنهج خف شوية"
4 فترات رياضيات ليس لها كتاب " من المادة العلمية الموجودة فى كتاب الباقة " وكمان شغل المعلم فى كراسة الحصة
فترتان إنجلش "لها كتاب مستقل"
5 فترات ونصف متعدد التخصصات يستقطع منها تربية بدنية وصحية حسب ما يراه المعلم
فترتان دين لها كتاب مستقل
نصف فترة توكاتسو دى زى حصة الريادة تشوف مشاكل تلاميذك و تسمع مقترحاتهم للحل دورك توجيهى فقط
الجملة 10 فترات أو40 حصة
لاتطلب كراسة رسم لأن كتاب الباقة مجهز للرسم والتلوين
ما تطلبش للعربى غير كراسة واحدة الترم الأول علشان ما تجهدش نفسك لأنها كلها حروف
اللغة الإنجليزية كراسة واحدة بلاش واجب وحصة مش مطالب بكراسات أصلاً
ممكن اسكتش لأنشطة القرائية ألوان خشبية
ممكن سبورة بيضاء صغيرة فى المكتبات و قلم سبورة معاها دى مش هتعدى 20 جنيه و صغيرة ممكن تترك فى الفصل ممكن فى حقيبة المدرسة التلميذ يكتب فيها معاك لأنك مش هتقدر تخرجهم كلهم على السبورة كل يوم
وعلشان محدش يكرر نفس السؤال كتاب الباقة هيدرس للتجريبات واللغات الخاص انجلش و كمان الرياضيات انجلش و المستوى الرفيع اتلغى لكى جى و أولى ابتدائى بس شغال فى باقى الفرق
المفروض تاخد نصابك و يدخل معلمين معاك المواد التى تدرس باللغة العربية لكن معظم المدارس فيها عجز و ووارد تاخد نصابك مضاعف " بدون أجر أجرك عند ربنا "
أى سؤال غير اللى كتبته اتركه فى تعيق خالص تحياتى " المعلم القدوة " معلم خبير عادل عبد الله مؤسس نهضة مصر و فريق العمل المعاون