المقال الكامل للأستاذ الفاضل / خالد معاني مدير إدارة أجا التعليمية يجيب عن أسئلة تخص استلام المدرسة للبحث
1/ هل تسليم البحث الورقي في المدرسة لازم يكون مكتوب باليد ولا علي الكمبيوتر Word ؟
بص . سلم البحث الورقي للمدرسة سواء ورق عادي او ورق مطبوعWord(مكتوب علي الكمبيوتر يعني) او حتي ورق فلوسكاب. كله صح .
الوزير محددش حاجة . احنا بقي لازم نصعبها علي نفسنا ليه
2/مين اللي هيصحح الأبحاث علي المنصة؟
وما موقف الأبحاث التي تسلم ورقيا للمدرسة؟
يا عزيزي . أنت مش سلمت البحث . أسكت بقي . أنت قبل كدا أما كنت بتخلص الإمتحان وتسلم ورقة الإمتحان كنت بتسأل إيه اللي بيحصل. ميش بتسلم الورقه وتتوكل على الله تروح.
أعتبر نفسك سلمت ورقة امتحانك واسكت وملكش دعوة .
3/طب أنا هسلم البحث في المدرسة ورقي . إيه اللي يثبت إني سلمته . هتاخد إيصال استلام . ما تخفش. ومدير المدرسة حريص عليك ذي ولي أمرك بالضبط والكل شغال من أجل الطالب.
وهيكون مختوم كمان من المدرسة.
ما قولتلك اعمل البحث بس أنت وسلمه وملكش دعوة. ☝
4/طب بالنسبة للأبحاث الورقية بعد استلامها بالمدرسة. هل يتم إرسالها للإدارة أو الاحتفاظ بها بالمدرسة ؟ .
سلم أنت بس البحث بتاعك زي ما قولتلك. وسيب الحكاية دي بقي بين المدرسة والإدارة. ماشي . خد ايصالك بس وربنا يسهل.
5/ طيب متى يتم تسليم البحث؟
الاستلام سواء كان ورقي أو علي المنصة من يوم 9\5 إلي 16\5 .