نتيجة استبيان حول مستوى امتحان اللغة الإنجليزية للثانوية العامة 2020
استبيان سريع عن امتحان اليوم في اللغة الإنجليزية لأكثر من ٣٠٠ طالب علي الفيس بوك و٣٠٠ غيرهم علي تليجرام ....
الامتحان صعب ... الصعوبة في القطعة والاختياري ....ومحتاج طالب عنده لغة قوية
الامتحان خارج كل التوقعات سواء المدرسين او اي توقعات
..........
طلاب الثانوية احب اقولك الحقيقة واكون سبب اطمنك
الامتحان صعب عليك وعلي كل الناس في دا في صالحك وكدا انت مقصرتش متزعلش
ربنا هيعوضك باذن الله
اللحظات دى هي اللي هتفرق بينك وبين اي حد القدرة علي امتصاص الصدمة ومواصلة المسيرة والله ممكن تكتشف ان بعد كل الخوف والقلق تجيب درجة اعلي من كل توقعاتك في المادة دي ....
افتكر من ضحك اخيرا ضحك كثيرا
والعبرة بالنهايات
الثانوية محصلة كل المراحل والمطبات اللي هتتخطاها
خليك فخور بنفسك وبكل مجهود وسعي انت عملته
افتكر كويس انت مكنتش مقصر ابدا ... اجتهدت ...ذاكرت ... عملت اللي عليك ... باقي النتيجة والتوفيق من ربنا
تعرف ازعل علي امتحان امتي لو كنت انا مقصر وسط اصحابي لكن لما يكون إجماع كامل انه صعب اذن صعب
ابشر بالله واستعد للى جاي ومع بعض مكملين مراجعات باذن الله ....
نصيحة اخيرة اوعي تسمع للطلبة اللي هتستفذك والله العظيم ف سنتي واحد صاحبي جاب ليا المدرس بتاعه عشان يراجع معايا الامتحان والله قالي هتنقص ست درجات وانا ف الاخر قفلت الامتحان ....
وجبت مجموع كلي اعلي من صاحبي دا
افتكر متخليش حد يستفذك او يكسرك او يوترك او يكسب نجاح علي حساب زعلك وقلقك واخطاءك
ابشر واستبشر والعبرة بالنهاية