البوست دا شامل جميع الأقسام في كليه التربية ومعلومات عن القسم .2020
1. سنه اولي 20 ماده 10 تيرم اول و 10 تيرم تاني
مافيهمش غير 4 مواد تخصص والباقي تربوي
بجد المواد مش سهله (مش احباط) لا دي عاوزه مذكره واجتهاد
2.سنه تانيه 19 ماده فيهم بردو 4 تخصص والباقي تربوي
برده صعبه عوزه مذكره علشان تطلعو صافي سنه تلته
شرط اساسي يا اما هاينزلو دور سبتمبر ع اقل من 3 مواد
3. سنه تلته الواقع المرير 19 ماده او 18 منهم 6 تخصص والباقي تربوي
التخصص تاريخ وجغرافيا
التربوي عباره عن مواد هتفيدك ف التعامل مع التلاميذ اللي هتواجهم ف المدرسه
#جغرافيا
انا عام جغرافيا الترم الاول كنت باخد جغرافية 1-وطن عربي ودى كانت حلوه وكنت باخد 2- تاريخ مصر الفرعونى وهى بصراحه ماده مكلكعه شويه بس بصراحه الدكتور ريحنا فيها جامد 3-جغرافية طبيعيه وهى كانت صعبه شويه بس طبعا مع المزاكره والتكرار كل حاجه هتبقي سهله 4-جغرافية إقتصاديه ودى ماده سهله 5- لغه عربيه وكنا بناخد نحو وادب وكان سهل ودى كانت مواد التخصص بتاعت الترم الاول وكنت باخد مواد تربريه حاسب آلى وعلم نفس وكانوا الى حد ما كويسه "الترم الثانى " 1-خرائط ودى ماده صعبه لإنها فيها جزء من الرياضه بس مع المزاكره هتبقا سهله جدااا والله 2-جغرافيه مناخيه ودى سهله 3- جغرافيه بشريه ودى برضوا جميله وسهله 4- تاريخ أوروبا الحديث وهو ماده مكلكعه برضوا بس الحمد لله الدكتور ريحنا فيها 5- إنجليزى ودا سهل جدا وجميل وبعد كدا فاضل المواد التربويه (حقوق إنسان -ومبادئ تربيه ) ودول الى حد ما كويسين ويارب اكون قدرت اوضح لكم كل حاجه عن قسمى ودى المواد اللى اخدتها في سنه اول وربنا يكرمكم ويوفقكم يارب
#فلسفة_واجتماع
مواد تربوية عاوزة فهم علشان تتحفظ ( بتتكلم عن دورك كمعلم هتعمل إيه ف موقف كذا)
سنة أولى و تانية إنت إسمك قسم علوم إجتماعية شعبة فلسفة و إجتماع
بتدرس ف أولى و تانية مواد إجتماعية و فلسفية و تاريخية
مواد إجتماعية سهلة و بسيطة جدا و لو الدكتور كويس هتاخد من جيد جدا لإمتياز و لو حب يرخم هتاخد من جيد لمقبول و لو حطك ف دماغه يبقى هتطلع بالمادة
مواد فلسفية يعني فلسفة يونانية قديمة و عصور وسطى و إسلامية و منطق صوري حاجة كدة طبق الأصل من ثانوي بس عصور وسطى و يوناني مختلفة تماما عن ثانوي مواد بتكون تقيلة و عاوزة تركيز جدا و حفظ كتير و فهم برضه بس مش زي الحفظ و ممكن المادة يكون ليها دكتور لتاريخ المادة و دكتور لفلسفة المادة و غالبا التقدير فيها من جيد و مقبول للعادي و اللي مذاكر نوعا ما و إللي فارم نفسه مذاكرة غالبا بيجيب جيد جدا ولو الدكتور كان مش ف وعيه هيديك إمتياز و دة نادر
كل مادة ليها تكليف حسب مزاج الدكتور أو المعيد
لازم تحضر بالذات ف الشعب اللي عددها صغير علشان الحكتور كدة بيقدر يسجل غياب و حضور
ف سنة تالتة و رابعة بتكون إتخصصت قبل م تدخل 3 يا إما شعبة فلسفة يا إما إجتماع و دة حسب رغبتك إنت ملوش علاقة بمجموعك
هتدخل فلسفة هتشتغل مدرس هتدخل إجتماع يبقى بنسبة 85 % هتكون اخصائي إجتماعي و متصدقش إللي يقولك لأ مش أخصائي مدرس علشان أعرف ناس فيها و طلعوا منها اخصائي
سواء فلسفة او إجتماع ف إنت هتبدأ غالبا كمدرس دراسات لإعدادي ف تربية عملي تالتة و هتنزل تربية وطنية و إنت ف تربية عملي ف رابعة
او حخلت فلسفة يبقى إنت لازم تكون أدها علشان تقيلة إنما إجتماع أسهل و ابسط (( منهج من ارض الواقع و مواد تأليف ))
هي دي الخريطة و بالتوفيق و النجاح يا رب
#اقتصاد_منزلى
انا تربية بنات عين شمس كنت علمى علوم والتشعيب بتاعى جوا لكلية جابلى اقتصاد منزلى وطلع انجليزى ودا الوحيد اللى الدراسه فيه بتكون انجليزى عن كلية الاقتصاد المنزلى الاساسية وعن الاقتصاد المنزلى الموجود فى تربية نوعيه القسم فعلا اكثر من رائع بندرس فيه مواد علمية كتيير زى الكمياء العضويه والحيوية وطبيعه حيه بجانب طبعا مواد التخصص بتاعت القسم زى التريكو والكروشيه والتفصيل وتصميم الازياء والطباعه بالالوان على الملابس دا غير انها بتتعلم يعنى اييه فن وازاى تمسك فرشه وترسم وتبدع ويكون عندها خيال والمطبخ والتغذية ومواد تانية كتييييير اووووووووووى دا غير اننا فالقسم دا كل سنه بنعمل زيارة لمصانع الملابس والغزل والنسيج والجامعه بتوفر لنا تدريب صيفى فالمصانع دى لان من اكبر المميزات الموجوده فالقسم فكلية البنات بالذات ان البنت مننا لو موش حابه تشتغل فالتدريس ممكن تشتغل فالمصانع زى كدا او تفتح مشروع اشغال يدوية من اللى بتتعلمه فالكليه او معرض لوحات فنية وممكن تعمل كل دا لو هى حابه المجال بجانب التدريس دا غير اننا بنتخرج بشهادة بكالريوس علوم وتربية لاننا بندرس نفس مواد قسم ملابس ونسيج الموجود فعلوم بجانب المواد التربوية
طبعا دا كدا ايجاز بسيط عن اقتصاد منزلى وفعلا كلية تربية من اروع الكليات وبالنسبه ليا هى من كليات القمة من الفخر انى اكون بدرس فيها
#لغة_عربية
لازم نكون عارفين ان طبعا العربى بتاع الثانوى غير الكلية خالص في عمق كبير وتشعبات أكتر جوة اللغة والقسم دة المواد اللى هيدرسوها التيرم الاول طبعا مادتين تربوى و5 اساسي أدب ونحو وصرف ونصوص قرآنية ومدخل إلى علم البلاغة وانجلش معرفش ايه علاقته بس هياخدوه تيرم اول وتانى واللى المفروض يتعمل انهم يزاكروا كويس جدا مفيش حاجة اسمها هلم اخر اسبوعين عشان المنهج بيبقى كتير أنا مش بصعب الموضوع بس دى نصيحة للى داخل لغة عربية بالذات بالنسبة لسهولة المواد وصعوبتها ف الادب اصعب من مادة النحو والصرف... وشكرا
.
.
بسم الله
بقى مواد القسم الحمد لله كلها كويسه وسهله بس لازم تتذاكر من الاول ومتتراكمش لحد الامتحانات انا ف الترم الأول قلت اذاكرها قبل الامتحانات ونقدر المها واجيب تقدير وللأسف كنت غلطان وف ناس من اللى قبلي كانو بيقولو كدا بس طلع رأيهم غلط
أما بالنسبه للنحو اللى ناس كتير شايفاه صعب وانا كنت واحد منهم لكن طلع حله بسيط ع الآخر أنه يتذاكر من الاول خالص من عشان الواحد يعرف يوصل لمستوى حلو فيه وانا عملت كدا والحمد لله جبت فيه امتياز وباقى المواد الباقين كلها سهله ان شاء الله بس اهم حاجه أن احنا نذاكر واحدة واحدة ومنخليش حاجه تتراكم علينا انا لما عملت كدا وسبتهم للآخر ف الترم الأول جبت جيد لكن لما ذاكرتهم اول بأول ف الترم التانى جبت امتياز الحمد لله
أما بالنسبه لباقى المواد عندنا .1. دراسات اسلاميه 2. ادب جاهلى 3. عروض 4. بلاغه5. تاريخ اسلامى 6. تدريبات لغويه 7. نحو8. نقد ادب 9. فلسفه اسلاميه10. مكتبه عربيه 11. علم اللغه العام 12. انجلش
#لغة_عربية_ودراسات_اسلامية
لو أدبستوآ في قسم لغه عربية ودراسات أسلامية ,, في أولي بأذن الله هتدخلوا مداخل المواد يعني مدخل لعلم اللغه التطبيقي (المادة دي عايزة حفظ من أول محاضرة) طبعا بيديها دكتورين , مدخل لادب ودي سهله قبل الامتحان بيومين هتلموها باذن الله , نحو وصرف (دي بقي سهله للي بيحب النحو وطبعا للي مبيحبهوش معقده , بس ممكن ربنا يكرمك بدوك يحببك فيها ) علوم قرأن المادة دي بقي هي أحسن حاجه في القسم فيها جزء عملي سكشن وحزء خفظ , مدخل لعلم البلاغه , في شعر يبقي عباره عن حفظ معلقات دي رخامتها في الحفظ بس زائد بقي المواد التربوي ودي عايزه لكـ ودش تعرفوا العنصر بس وتلكوا تحتوا في اي حاجة المهم متسبش صفح فاضيه لكوا براحتكم ,, بالتوفيق ي رب ,, اه نسيت أقولكم هتتنفخوا في عمل الابحاث
#الفيزياء
قسم فيزياء اكيد كلو هيتخض منه قسم سهل جدا انصح كل اليى هيدخل قسم فيزياء او اى قسم علمى ان فيه مواد كتير عايزه شغل من اول لحظه زى الحسبان وخواص ماده كلها تكاملات مش مستحيله يمكن تكون صعبه شدو حيلكم واحذروهم وانصحكم بالمذاكره وحضور المحاضرات الموضوع مش سهل ربنا يوفقكم
#قسم_طفولة
قسم طفولة: - قسم مش مختص بدراسة تخصصة فقط بندرس لغات غير مواد فيها عملي كتير ومواد فلسفية."فلسفة تشريعات ومواد قانون "تفكير فلسفي" وتنشئة وضبط اجتماعي
ومواد بيدرسها دكاترة من كلية الطب تخص الطفل والام والاسعافات
ومواد تربية رياضية
هو قسم ممتع بس مش قسم امتيازات بكمية كبيرة زي مابيقولو
بتتخرج من القسم معاك ليسانس اداب وتربية حاجة زي كدة ودة بياخدة الاقسام الادبية في الكلية مع اننا مش قسم ادبي ولانيلة
ميزة القسم انة بيدرس حاجات متنوعة وهايبقي ملم بمعلومات اكتر من اي قسم تاني بصراحة
ولو اتخرجتو واتعينتو بعد عمر طويل ليكو تدرسو لحد رابعة ابتدائي ودا الاختلاف بين تربية طفولة وكلية رياض اطفال واللي بيشد حيلة سهل يبقي من اوائل القسم
بس مش قسم لعب عيال زي ما ال بعض فاكر
.
.
قسم طفولة والعيشة ايزى خااااالص اهم حاجة فى القسم ده يكون عندك حس الابتكار و الابداع لان انت بتعمل انشطة و وسائل للاطفال من سنة اولى لانك بتزل تدريب من اولى بس هى دى اصعب حاجة انما المواد سهلة خااالص لان الدكاترة كويسين بيحددوا فى الاخر اللى هيجى فى الامتحان . فى مادة بس فى سنة اولى اسمها تربية فنية بصرية هتحتاج شغل عملى هو انك تعمل لوحة من الخرز لازم تطلع حلوة لان عليها معظم د رجات السنة . بس كده وربنا معاكم ويكرمكم القسم حلو عايز بس ابداع وشوية حب ليه .نسيت اقولكم اصعب حاجة واهم حاجة فى الكلية هى مواد التربوى لانها مهمة جدا هى 3 مواد فى الترم بالاضافة لمواد التخصص لازم تركزوا عليهم كويس .
#قسم_رياضة
قسم رياضيات عام المواد الصعبه فيه هى اساسيات الرياضيات وميكانيكا وهندسه تحليليه بس
أولا عشان تمشي ف رياضة دي تكون بتحبها مش داخلها بالعافيه عشان دي غالبيتها فهم وانتوا عارفين الكلام دة
ثانيا:المواد التربوي دي بتدرس فيها مبادئ علم النفس وأقسام علم النفس المرتبطة بالتربية والتعليم وبتختلف كل ترم
ثالثا:مواد التخصص
الرياضيات تنقسم
١ رياضيات بحتة
هتدرس فيها الجبر وما بعده وكمان التفاضل والتكامل وما بعدهما يعني غالبيتها الكلام النظري وبيستعملوها ف اي
٢تطبيقية
وبتبتدي من استاتيكا(تطبيقية ١) وديناميكا (تطبيقية٢) وبتتكلم عن الحجات اللي بتحصل ف الطبيعة زي ما شفتوا ف ٣ثانوي وهتكملوا بعديهم
رابعا حجات ملهاش لزمة بس مطلوبة زي انتا بتدرس كيميا عامة وعضوية ف سنة أولى بس ودي حجات خفيفة بتكون
وفيزياء بتدرسها ف أولى وثانية وهتساعدك ف التخصص
على ما اعتقد دي اللي اقدر افيدكم بيه واكرر اللي مش حاببها يسيبها أحسن
#تعليم_اساسى_جنوب_الوادى
تربية تعليم اساسى .. جامعة جنوب الوادى .. هتدرس أول سنتين شعبة عامة وسنة تالتة التخصص على حسب شعبتك فى ثانوى يعنى لو أدبى : هيبقى قدامك (عربى ، انجليزى ، دراسات) ولو علمى علوم (كيميا وفيزيا واحياء) ولو علمى رياضة (يبقى الرياضة كلها برضوه من طأطأ لسلامعليكو) و برضه مش هتختار الأقسام دى بمزاجك لأ للأسف برضوه مجبر .. يعنى القسم بيبدأ من نسبة معينة على حسب مجموعك فى المادة دى فى الثانوى يعنى هتكلم عن ثانوى نظام قديم لو العربى من فى ثانوى من 60 وانت جبت 49 مثلاً .. الأقسام فى تالتة اساسى على حسب كل سنة بأحوال .. يعنى على سبيل المثال .. لو قسم العربى هيقبل من 50 وانت جايب 49 مش هيقبلك للأسف .. وهتضطر تروح لقسم تانى .. انجليزى مثلا .. برضوه حظك قليل ومتقبلتش يبقى هتدخل آخر قسم وده مفتوح ما تقلقش بس لازم تكون ناجح فى على الأقل .. قسم محبوب الملايين لأنه بيقبل عدد كبير قسم الدراسات (تاريخ وجغرافيا يعنى) ...
مع العلم انه بيختلف نظام الشعبة العامة ده فى بعض الجامعات الأخرى يعنى فى جامعات فى محافظات تانية... سنة أولى بس هى اللى شعبه عامة ومن تانية التخصص .. يعنى سواء كنت فى ثانوى أدبى أو علمى (علوم _ رياضة ) برضوه لازم هتدوق من كل المواد الأدبية والعلمية..
#التاريخ
يبدا الترم الاول ب 11 مادة ..وهما (منهج بحث تاريخي - معالم تاريخ مصر الفرعونية - معالم التاريخ اليوناني والروماني - تاريخ شبه الجزيرة العربية (تاريخ اسلامي)-علم اجتماع-عربي - تربية قومية- جغرافية طبيعية -المعلم ومهنة التعليم- مقرر ثقافي (وده بتختاره من 5 مواد وكلهم اسهل من بعض تختار مادة بس تمتحن فيها) ..ودول مواد تربوي) الترم الاول ...مش هقولك صعب قد ما هو مفاجاة ليك بجو الكلية والمحاضرات وتعامل الدكتور وتلاقي نفسك اللي بتجمع المادة العلمية وممكن تحضرها كمان قسم مش صعب زي ما الكل فاكر قد ما هو عايز مجهود في المذاكرة شوية واييدك في المادة علي مدار الترم ...في مواد عايزة مذاكر باستمرار زي معالم تاريخ مصر الفرعونية (تاريخ فرعوني ) ممكن للبعض ميكنش صعب بس معلوماته كتير وهو قسم عايز مذاكرة شوية وتكون حابب المادة .. الترم التاني .. هتدرس يا سيدي 9 مواد ...(تاريخ اوروبا في العصور الوسطي - تاريخ الدولة العباسية -اصول التربية - انجليزي - علم نفس النمو -جغرافية بشرية - مبادئ خرائط - تاريخ الشرق الادني القديم (تاريخ العراق ) الترم التاني احلي عن الاول موادة مليانة بس حلوة في المذاكرة وتقدر تلمها اسهل من الاول كمحتوي وترتيب افكار ودراسة اسهل ليك ... قسم التاريخ مش صعب للدرجة بس عايز حد حابب المادة ويجتهد شوية هيقدر يجيب تقدير كويس
.
.
قسم تاريخ عندنا ١٩ ماده خلال السنه وهم كالاتى ١-مناهج البحث التاريخى .. ماده سهله اوى فى صعوبه فى الاول فيهااا لعدما فهمها لكن مع الوقت بيجدو سهوله فيها ٢-معالم التاريخ اليونانى والرومانى ... ماده صعبه شويه ومحتاجه اهتمام من اول السنه وصعوبتها لانها بتحتوى على معلومات كتير لكن كدراسه فهى ممتعه ٣-معالم تاريخ الشرق الادنى ... كذلك محتاجه اهتمام ومذاكره وهى برده ممتعه ٤-معالم التاريخ المصرى القديم ودى كانت مااده فى غايه السهوله والمتعه ٥-تاريخ الفكر الاجتماعى وهى عباره عن ماده فلسفيه فبالتالى هى سهله اوى لكن محتاجه حفظ اول بآول لانها بتتنسى بسرعه لانها تشبه الفلسفه ٦-جغرافيا طبيعيه هى مااده الى حد ما صعبه لان صعوبتهاا فى فهمها مش فى حفظها هى فى الاول سهله شويه لكن بتبدأ تصعب كل مانتعمق فى الماده اكتر ٧-اللغه العربيه وبجد حقيقى اكتر ماده ممتعه ٨-التربيه وقضايا العصر وهى ماده تربويه كل صعبوتها محتاجه حفظ لكنها سهله فى فهمها ويمكن التعبير باسلوب الشخص عنهاا ٩-المقرر الثقافى ودى كانت ماده الكليه اللى بتخترهالك وهى ماده تربويه وكذلك هى كمان سهله فى فهمها ويمكن التعبير باسلوب الشخص عنهاا ودول مواد الترم الاول اما مواد الترم التانى فهم كالاتى :- ١-معالم التاريخ الاوروبى الوسيط وده بيتكلم فيهاا عن تاريخ اوروبا وماده ممتعه اووى فى دراستهااا بس محتاجه مذاكره ٢-الدوله العربيه الاسلاميه وهى تشبه الدين الاسلامى ماده سهله جدا جدا لكن معلوماتها كتير ولذلك تحتاج مذااكره ٣-تاريخ الدوله العباسيه هى من اصعب المواد اللى مرت خلال السنه صعوبتهاا مش عدم فهمها بالعكس فهمها سهل لكن صعوبتها فى كثره وتشااابه معلوماتهااا وصعوبه حفظها لتشابه المعلومات عشان كده لازم لازم لازم تتذاكر من اول يووم فى السنه عشان محتاجه مراجعتهاااا اكتر من مرره ٤-التربيه القوميه وهى عباره عن دراسه التاريخ الحديث حرب اكتوبر معاهده ١٩٣٦ وهكذااا وبالتالى هى سهله وممكن تتلم فى الاخر ٥-جغرافيا بشريه هى ماده محتاجه حفظ ولكنها سهله ٦-مبادئ خرايط هى عباره عن ماده رياضيه وفى نفس الوقت جغرافيا بيعلمناا فيهاا ازاى نرسم خريطه بمقاييس اغلب اللى هيدرسوها هتبقى صعبه عليهم اوووى فى بدايتهااا ولكن هيكتشفو انهااا تافهه تافهه تافهه ٧-اللغه الانجيليزيه ودى مااده طبعا سهله لا تختلف عن الثانوى الا فى حجات بسيطه ومفهومه ٨-المعلم ومهنه التعليم دى ماده تربويه بيعلمك ازاى تكون معلم/ة وغايه فى السهوله وممكن تتلم فى الاخر ٩-واخيرا علم النفس النمو هى ماده تربويه تشبه علم النفس صعوبتهاااا فى كمهااااا الهااائل واغلبيه الدكاتره مبيلغووش منها غير حجات بسيطه جدا عشان كده محتاجه اهتمام عالى عشان فى اخر السنه مش سهل تتلم . هما دوول مواد سنه اولى كليه تربيه شعبه تاريخ جامعه حلوان نصيحه منى لكل الطلاب الجدد فى هذا المجال اثناء مذاكرتهم يبعدو كل البعد عن الملازم ويلخصوا كل مذاكرتهم بايدهم لان ده حقيقى اللى هينجحهم او يخليهم يتفوقو هيجدوو صعوووبه فى الاول لان معتادوش على ده لكن مع الوقت عيعرفو ازاى يعملو ده والله الموفق ربناا معااهم
#قسم_انجلش_وتربية_خاصة
انا تربيه عين شمس قسم انجلش عام وقسم تربيه خاصه مواد انجلش هتبقي صعبه ف الاول وبعد كده بالمذاكره هتلاقوا الدنيا كويسه جدا اللش مقتدر ياخد كورسات ياخد مش قادر الكليه هياخد فيها كل مهارات اللغه وهياخد فونولوجي اي صوتيات صعبه شويه بس هتنطقوا انجلش زي الناس اللي لغتهم الام انجلش اصلا متاخدش درس اوعي تاخد درس ومش عايزه اذكر اسم ااشخص المشهور عندنا انا الحمد لله ولا احتاجت لدرس ولا ادي دماغي لحد لانه والله ما يعمل حاجه زياده غير انه بيختار اللي ع كيفه ويكتبه وممكن يشيل حاجات الدكتور عايزها اما تظبط الماده بايذك مش بتاخد وقت والشخص دا ناس شالت مع دكاتره كتير بسبب فشله الموات في دراما وهي مسرحيات ونوڤل قصص بالانجلش و شعر قصايد انجلش وكتابه وقراءه بالانجلش فونولوجي علم لغه
علم لغه طبيقي علم اللغه النفسي كويسين والله اصعبهم الفونولوجي ومش مع الكل الحضور والتحضير والمناقشه مهمين جداااااااا وعليهم درجات التربوي ممل حبتين بس حلو التربيه الخاصه بقي تقيله بس هتحب انك تساعد ناس محتاجه ذوي اعاقات
.
.
تربية عام قسم التربية الخاصه والقسم دا مش موجود غير في كفر الشيخ و عين شمس يهيئ اللي يدخله طبعا انه يبقي مدرس زوي احتياجات خاصه .. صم وبكم .. مكفوفين .. ومتخلفين عقليا ,, بالاضافه الي ان ممكن تشتغل علي اللي عندهم مشكله في التخاطب والتوحد والكلام دا .. الخلاصه قسم مميز من نوعه .. اهم حاجه يكون في استعداد للتعامل مع الفئات دا .. بالنسبه للمواد كويسه ومش صعبه بندرس الاعاقات بانوعها الاعاقه البصريه واشكالها والسمعيه والحركيه واغلب الامراض واسبابها .. القسم مرتبط شويه بقسم علم النفس .. يعني حاجات هتفيدك بحياتك مش حفظ واكتب وخلاص .. ودا اللي حمسني له .. وبيزود معلوماتك عن الفئات دي واذاي تتعامل معاهم .. بالاضافه طبعا ان
دا شئ خيري ربنا هيجازينا عليه ..
.
.
انا تربيه عين شمس قسم انجلش عام وقسم تربيه خاصه
مواد انجلش هتبقي صعبه ف الاول وبعد كده بالمذاكره هتلاقوا الدنيا كويسه جدا اللش مقتدر ياخد كورسات ياخد مش قادر الكليه هياخد فيها كل مهارات اللغه وهياخد فونولوجي اي صوتيات صعبه شويه بس هتنطقوا انجلش زي الناس اللي لغتهم الام انجلش اصلا متاخدش درس اوعي تاخد درس ومش عايزه اذكر اسم ااشخص المشهور عندنا انا الحمد لله ولا احتاجت لدرس ولا ادي دماغي لحد لانه والله ما يعمل حاجه زياده غير انه بيختار اللي ع كيفه ويكتبه وممكن يشيل حاجات الدكتور عايزها اما تظبط الماده بايذك مش بتاخد وقت والشخص دا ناس شالت مع دكاتره كتير بسبب فشله
الموات في دراما وهي مسرحيات ونوڤل قصص بالانجلش و شعر قصايد انجلش وكتابه وقراءه بالانجلش وفونولوجي وعلم لغه وعلم لغه طبيقي وعلم اللغه النفسي
كويسين والله اصعبهم الفونولوجي ومش مع الكل
الحضور والتحضير والمناقشه مهمين جداااااااا وعليهم درجات
التربوي ممل حبتين بس حلو
التربيه الخاصه بقي
تقيله بس هتحب انك تساعد ناس محتاجه ذوي اعاقات
#كمياء
اوﻻ كده قبل ما اشرح اى حاجة .. قسم الكيمياء فى منه كيمياء عربى وكيمياء انجليزي يعنى بتدرسو المواد كلها بالإنجليزي ماعدا التربوى ...
يعنى ايه تربوى بقى ؟!
التربوى ده مواد بتعلمك ازاى تشرح وازاى تتعامل مع الطلبه وحاجات كده يعنى وفى منها علم نفس وده بتدرس في مراحل نمو الانسان وتصرفاته ف المجتمع مثلا وهكذا .. ده التربوى .. وفى مواد تربوى بتبقى اختياريه وده الطالب بيختارها واسهلهم بيبقى علم النفس وف الاخر وهى مذكرة بتتجاب ليله الامتحان بتتذاكر وخﻻص ع كدا
-----
نيجى بقى نتكلم على القسم بتاعى (كيمياء عربى)
مش هقول قسم صعب وﻻ قسم سهل .. ﻻن كل حاجة بتبقى صعبة بس مع المذاكره وكدا بتبقى سهله او كويسه يعنى
.
ف سنه اولى بتدرس شعبه عامه بتاخد مواد فيزيا وكميا وبيولوجى بجانب مادتين تربوى
الصعب فيه المواد الكتير لان انت بتاخد ف الترم الواحد 11 ماده بجانب السكاشن لان ببقى ف شكسن للكميا وسكشن احياء وسكشن فيزيا وف الترم التانى بيضاف عليهم جيولوجيا
وطبعا ببقى ف تاخير ممكن ل 6 و 7 بالليل دا غير البهدله من تربيه ل علوم عشان السكاشن وعمتن مزاكرة الجامعه سهله وف تربيه اقل مجهود بيجيب نتيجه كويسه ولو تعبنا نفسنا شويه هنثبت وجودنا اووووى
اما مواد التربوى ف دى بتتقرأ بس وانت تكتب اللى عليك ف الامتحان اعطى المفيد ف اول الاجابه وبعد كدا اكتب اللى انت عايزة بس طبعا ف مضمون السؤال والدكاترة بيحبو اوى اللى بيجيب كلام من كتب برة وكدا
دكاترة علوم شايفين نفسهم علينا الا من رحم ربى طبعا بس مع الوقت بتكتسب مناعه وببقى الوضع عادى
واكيد الصحبه الحلوة بتهون كل المرار اللى بنشوفه والايام بتعدى وكله خير الحمد لله
#قسم_فرنسى
يارب رسالتي دي تساعد الطلبه ويقدروا يعرفوا اكتر عن قسم فرنسي
اولا انا قسم فرنسي تربية اسيوط واتخرجت السنادي
اولا المواد عددها 10 مواد كل ترم ممكن يزيدوا ماده او اتنين لكن مبينقصوش ده بمعدل 3 مواد تربوي و 7 تخصص كل ترم
المواد التربويه بصراحه مش كلها حلو ومش كلها وحش وده بيعتمد علي محاضر الماده نفسه اللي هو الدكتور
ومواد التخصص بتكون فيه مواد ثابته كل ترم زي الترجمه والقواعد واللغة (الكتابة او ورشة العمل (دي بتكون خليط من القراءة والكتابة والتعبير والقواعد))
اول سنتين بتدرس صوتيات لازم تحب الماده دي جدا وتركز في سكاشنها عشان تعرف تنطق كويس وتكتب كويس اللي هتسمعه
تاني سنتين بتتحول الصوتيات للغويات دي ماده اعوذ بالله وحشه جدا ومش هتفهم فيها حاجه لانها متتفهمش اصلا بتتكلم عن اللغه ونشأتها وفروعها وعلمائها والتيار اللي كانوا ماشيين عليه ف اللغه .....الخ
بقية مواد لذيذة جدا وممتعه زي النصوص والادب الفرنسي والفرانكوفوني والحضار والمسرح والشعر والمقال الادبي ......الخ
بتبدأ تنزل تربية عملي من سنه تالته
في ماده اسمها تدريس مصغر هتاخدها علي مدار اول سنتين ودي بتدربك ازاي تكون مدرس او مربي بمعني اشمل
المواد التربويه ربنا يعينك عليها زي مواد من قسم علم النفس زي علم النفس التربوي وسيكولوجية التعلم والفروق الفردية والصحه النفسية وسيكولوجية الاحتياجات الخاصه ....الخ
ومواد من قسم المناهج زي طرق تدريس واتجاهات معاصرة و الادارة الصفية وتكنولوجيا التعليم .....الخ وبتاخد مواد برضه بتتعلق بتاريخ التربيه وكده زي المعلم ومهنة التعليم ......الخ ومواد من قسم اصول التربية
والله من كترهم مش قادرة افتكر اكتر من كده
فيه مواد تربويه بيكون ليها سكاشن وعملي كمان يعني بتدخل المعمل وكده ودي بتكون المواد السيكولوجية اه بتدرس ماده في سنه اولي ف الترم الاول اسمها لغه عربيه وف الترم التاني اسمها انجليزي وزودوا ماده حاسب الي علي سنه تانيه تقريبا احنا ماخدنهاش
وربنا يوفقكم ان شاء الله ويكونوا احلي 4 سنين في حياتكم
*اه نسيت اقولكم اتبسطوا علي قد ما تقدروا ف الكليه لان هيجي يوم وتفتكروا الذكريات دي وهتوحشكم كلية التربية تصدقوا اه والله هتوحشكوا زيي كده
.
.
تربيه عام قسم فرنساوى قسم استغفر الله العظيم اللي بندرسه في ثانوى حمادة واللي في الكليه حمادة تانى خالص هتعقدوا اول سنه تايههين وبالذات في محاضرة الصوتيات بس هتكتشفوا بعدين انها لغه لذيذة واسهل لغه كمان بس عايزة تعب جااااامد جداااااا وفي مواد كتيرة يعنى مثلا هقول بالعربي علشان تفهمه صوتيات وثقافه عامه ودى بندرس فيها تاريخ وحضارة والاماكن اللي في فرنسا وترجمه ادب او نصوص مختارة بندرس فيها شعر وقصه قصيرة واجزاء من مسرحيه وتعبير كتابي ومحادثه ودى بنتعلم منها نعبر ازاى ودى عايزة حصيله كلمات وبس ولغه فرنسيه لاغراض خاصه ودى بنتعلم منها كلمات ومهارات عن المطبخ والطبخ والرحلات كمان هو ده اللي فكرها غير طبعا المواد التربوي
#علم_نفس
قسم علم نفس مواده كويسه بس محتاجه تركيز اكتر مادتين يقدر الطالب يستفاد منهم بس ف سنه تانيه الترم الاول هما علم النفس المرضى وعلم النفس الطفوله هو القسم جميل ومش شرط تتدخله علشان تجيب تقدير الكل بيجيب تقديرات فيه لانه قسم بسيط المهم تستفاد من كل ماده فيه ف حياتك ... وف مواد تانيه زى علم النفس البيئى وتنميه الموهبه وعلم نفس فسيولوجى وتجريبى وف احصاء وصفى واستدلائى وتعديل السلوك وغيرهم ودول على مدار السنتين الا مروا عليا
#قسم_العلوم_البيلوجية_والجيلوجية
بالنسبة للقسم فاسمه قسم العلوم البيولوجية والجيولوجية
يعني التخصص بيبقي احساء وجيولوجيا بالنسبة للثانوي العام او علمو بالنسبة للاعدادي
دخول القسم ع حسب نظام الكلية فكليتي كان دخول القسم لعلمي علوم من ثانوي بما لا يقلي عن 91.8
القسم من اصعب اقسام الكلية واللي فيه شغل كتير وعاوز اجتهاد واهم حاجة تكون حابب المجال ده عشان تقدر تمشي فيه
المواد بتتقسم لجزئين جزء التربوي وده مشترك مع جميع الاقسام في الكلية وبتكون المواد من الافرع دي : ادارة - اصول تربية - اصول تدريس - علم النفس المواد التربوي مواد ادبية بحته غالبيتها بتعتمد ع الحفظ بس لما بتفهم المادة وتعبر باسلوبك بيبقي افضل واحسن بالنسبة للمواد الاكاديمي او التخصص فبتتقسم لقسمين اساسيين هما : الاحياء والجيولوجيا بالنسبة للاحياء بتتقسم لجزئين : علم حيوان وعلم نبات بالاضافة لبعض مواد الكيمياء والفيزياء والرياضيات بس في 1 و 2 بس في 3 و 4 بيبقي ايحياء وجيولوجي فقط مع التربوي المواد الاكاديمي او التخصص بتتقسم كل مادة لجزئين جزء نظري وهو الجزء الاكبر وجزء عملي او السكشن المواد الاكاديمي عاوزه جهد وشغل وبتعتمد ع الحفظ والفهم ال2 بيكملوا بعض و كمان اتجاه الطالب للمجال ده بيساعده كتير القسم قسم علمي فمش هيعتمد ع الحفظ او الاكتفاء بالمقررات لا لازم تتوسع وتبني معرفة وتتعمق في العلوم دي لان مجال الشغل بعد كدا لو مش حابب التربية والتعليم ممكن تشتغل في وظائف تانية فلازم تبقي عندك معرفة مهم اوي انك تكون بتعرف ترسم حتي لو مش بتحب الرسم او قدراتك فيه ضعيفة مع الوقت هتتحسن بالنسبة لنظام المذتاكرة وكدا انت ادري بنفسك وانت تعرف تظبط وقتك ازاي ومع التعود والاستمرار هيتحسن الموضوع اوي معاك بالنسبة لمواد التخصص في الاحياء فعلم الحيوان فيه : التصنيف و البيولوجيا الجزيئية و فسيولوجين الحيوان و علم التشريح .. ده اجمالا ام علم النبات : تصنيف , فسييولوجي نبات , ميكروبيولوجي , تصنيف زهري
الجيولوجيا : المعادن , الصخور , القشرة الارضية . الغلاف الجوي , المياه , علم الفلك , الحفريات
#قسم_بيولوجى
قسم بيولوجى : هتكلم على سنة اولى عشان هى دى اللى مريت بيها
بتدرس فيها كل المواد العلمي اللى ممكن تيجى فى بالك
1- فيزياء 4 فروع 2 تيرم اول "كهربية ومغناطيسية -خواص ماده" تيرم تانى " حرارة - بصريات"+ سكاشن على كل فرع عبارة عن تجارب بتعملها ب ايدك واسلاك واجهزة وكهرباء وليلة كده
2-كيمياء بتاخد 4 فروع بردو 2 تيرم اول" كيمياء فيزيائية-وكيمياءعامة" و 2 تيرم تانى " كيمياء فيزيائية بردو و- عضويه " + سكاشن "عملي بردو " تجارب على النظرى اللى بتاخده فى المحاضرة
3- رياضيات مادتين ماده تيرم اول "اساسيات الرياضيات "و ماده تيرم تانى " حسبان " الحسبان بس ليها سيكشن وعباره عن حل مسائل على اللى اتشرح فى المحاضرة
4- مواد التخصص بتنقسم لفرعين
نبات و حيوان
النبات بتدرس فيه فرعين تيرم اول "بيولوجيا عامة نبات - تنوع بيولوجى نبات " و فرعين تيرم تانى " مورفولوجى النبات - تشريح النبات "+ سكاشن بتشوف فيها اشكال النبات و خصائص الشكل وفى حاجات بتشوفها تحت الميكروسكوب وهكذا على كل فرع
الحيوان بتدرس 3 فروع بردو 2 تيرم اول " بيولوجيا عامة حيوان - تنوع بيولوجى حيوان " و 1 تيرم تانى اللى هي " جسم انسان " بس بتتقسم جزئين بردو + سكاشن بتتعرف على الكائنات الحيه وفى تشريح ضفدعة و فى ميكروسكوبات لبعض الديدان وحاجات كده كتير و جسم الانسان بتشوف اجزاء الجسم وجميع الاعضاء
5- مواد التربوي ودى بتبقى " فى ماده اختيارى تيرم اول مع ماده اسمها معلم ومهنة التعليم "
ومادتين تيرم تانى " علم نفس النمو - اصول تربية "
والتيرم الاول بندرس لغة عربية و حقوق انسان والتيرم التانى لغة انجليزية
بالنسبة للصعوبه والسهوله دى بقى على حسب دماغ الطالب والدكتور والمعيد اللى بيشرح
فى مواد اصلا سهله وفى مواد معقده شويه بس مع المزاكرة المتواصلة لو لحقت اصلا
كله هيبقى تمام
شكرا
#بيولوجي ....القسم ده بتدخله من علمي علوم طبعا بتدرس فيه مواد علميه خاصه بتخصصك وهما بيبقوا مادتين في التيرم بالاضافه للمواد التانيه زي الكمياء والفيزياء والرياضه واكيد في كمان مواد تربوي <مواد خنيقه> بالاضافه للسكاشن االلي كلها عملي طبعا وبتتمرمط فيها بين كليه تربيه وكليه علوم اما بالنسبه لصعوبه المواد هيا فيها مواد صعبه ورخمه بس لو زاكرت من الاول هتحس انها بقت كويسه ......واهم حاجه بقي حضور المحاضرات وتسجيلها واهم حاجه برده تكون حابب القسم ....وبالتوفيق للجميع ....
#انجليزى
بصو بقي انا قسم English عام تربيه العريش القسم مواده كويسه التخصص هما سته تمام الترم الاول كان phontix صوتيات ودي تبقي سهله لو مكومتهاش للاخر وماده استماع بتقوي مهاره السمع،و writing. بتعلم اساسيات للكتابه عشان تتعلم تكتب مفالات تلت صفح بالنسبه للمواد التانيه هما novel. و drama والاتنين الدراما هي مسرحيه بتاخدها وبتاخد شويه حجات نظريه عن المسرحيات وتطبقها عليها والتانيه دي روايه نفس الحوار قصتين وتطبق نظري عليه بصو القسم كويس بس اهم حاجه انكو تكتبو جرامر صح لان الكتابه اهم كتييير من المعلومات الي بتكتبها وعندك ماده تاريخ الادب دي بتبقي كبيره وبمهارتك تلخص كل فصل ف كام ورقه تحفظهم وتكتبهم ع شكل مقال بس اوعي تاخد من زميلك لان تقديرك بيتقاس ع اللي كاتبه
.
.
اقول ايه ولا ايه عن قسم انجلش
بصراحه هو قسم حلو جدا و سهل بس اللي يذاكر
المواد التربوي دي مش بنذاكرها غير اخر الترم عشان مش احنا نذاكر و الدكاتره يلغوا اللي ذاكرناه
اما التخصص ف دا بنزاكره من اول السنه ، الترم فيه 6 تخصص ، الترم الاول فيه صوتيات و دي ماده ممتعه جدا و سهله ، الكتابه دي ماده ابتكاريه و ابداعيه و برضو سهله ، الدراما دي بقا ماده اجارك الله بس برضو عايزه مذاكره من الاول ، تدريبات لغويه دي ماده تكاد تكون تافهه ، تاريخ لغه انجليزيه دي ماده حفظ صرف بس نايس
الترم التاني فيه نقد و دي ماده لذيذه و عايزه فهم و حفظ ، الشعر ماده حلوه اوي و كلها فهم ، القواعد ماده سهله جدا و فهم بس ، الترجمه بقا دي ماده اللي يعدي فيها يسجد شكر لربنا و بنحتاج فيها قواميس الدنيا والاخره ، المحادثه ماده حلوه و فيها فهم و حفظ ، القراءه سهله جدا جدا جدا
دي مواد سنه اولي عام انجلش تربيه بني سويف
ربنا يوفقكم و يعينكم
.
.
تربيه انجليزي
٨ مواد ترم اول و ٩ ترم تاني علي ما اظن
1 1 writing (دي ازاي تكتب مقالات وكده بالانجليزي ) 2 history of English language (تاريخ اللغه الانجليزية هي ناده مده تقدر تقول معموله عشان تسقط العيال بس مش اكتر ) 3 phonetics (بتدرس ازاي تتكلم وكده اسمها بالعربي علم الصوتيات) 4 التربيه وقضايا العصر (ماده تربويه ) 5 drama (بتدرس حوالي٣ او ٢ مسرحيات قديمه كده وجميله يعني ) 6 novel (بتدرس رواياااات طوووووويله ولشخصيات غريبه بس بتبتقي حلووه اووي ) 7 عربي ودا بيقي نحو 8 حقوق انسان ومش مضافه ع المجمووع
الترم التاتي بقي 1 conversation (دي محادثه كده احلي حاجه ف القسم كلة بيبقس شغلها خفيف وعملي) 2 reading ( عباره بالظبط عن القطع اللي كنا بنحلها ف امتحانات ثانوي بس اسئلتها لافه شويه ) 3 poetry (دا شعر بتقعد تحفظ ف قصائد بالانجليزي طبعا واسماء شعراء وfigure of speech اللي هي مكاهر الحمال بتاع زمان دا خد بقي عندك تصوير وتشبيه وحااجات كتير كده تشل ) 4 المعلم ومهنة التعليم (ماده تربويه ) 5 translation (ترجمه بيجبلك شويه قطع وترجمها مش اكتر ) 6 grammar(اللي هي قراعد يعني بس مش طبعا if وحالاتها وpast and past simple بقي والحاجات التافة دي لا بتدخل ع التقيل بقي) 7 criticism (نقد ودي بقي ماده للسقووط .والشلل فقط بتدرس ارسطو وافلاطون و لونجينس دول فلاسفه بتدرسهم ونقدهم لنفسهم عالم مريضه من الاخر ملحووظه الماده دي بتتحفظ بس ) 8 علم نفس النمو (ماده مده لذيذه زي علم النفس بتاع الثانوي)
9 لغه تانيه عندك بقي فرنساوي او الماني واسباني و ايطالي هي اصلا مش هتتاخد غير ترم واحد وخلاص شكرا ع كده
#تربية_نوعية
تربيه نوعيه فنيه قسم صعب في اوله لكن سهل بعد التعود علي المواد بس عايز مجهود خارجي يعني تنمي قدراتك بنفسك ترسم تنحت من نفسك وبكدا تكون اتدربت علي كل حاجه وتمشي معاك المواد كويس بس التزام وشغل تبقي امتياز
متنسوش تدعوا للناس اللى كتبت الكلام ده وبعتته لنا عشان نساعدكم 😃 وفقكم الله جميعا ..