متاح الآن فرصة التسجيل لمن استنفذ رغبات التنسيق و تعليمات هامة تخص تقليل الإغتراب
رابط تسجيل مستنفذي الرغبات
جميع اسئلتكم والإجابة عليها عن تنسيق المرحلة التانية والتالتة :
يعنى ايه استنفاذ رغبات؟يعنى ال ٧٥ رغبة اللى كتبتهم فى تنسيق المرحلة التانية اخدوا اعلى من درجاتك .
طب الحل ايه ؟ الحل ان الموقع هيفتح اليوم او غدا وهيعطوك ٥ رغبات فقط تكتبهم فلازم تفكر اوى وانت بتكتب الرغبات وتشوف مجموعك اخد كليات ايه فى المرحلة التانية واكتبها المهم فالأهم . والا هتقع فى نفس المشكلة .
امتى هيفتحوا تقليل الأغتراب والتحويلات؟هيفتحوها من يوم الخميس القادم الى يوم الأثنين ودى المرة الأولى وفيه كمان مرة تانية بعد نتيجة تنسيق المرحلة التالتة .
ينفع احول من كلية فى نطاق أ الى كلية فى نطاق ب ؟ لاء العكس هو اللى صحيح يعنى سواء تقليل اغتراب او تحويل لازم يتم من كليات نطاق ب و ج الى نطاق أ يعنى من محافظة بعيدة لنفس محافظتك وطبعا واخدة مجموعك . ولو هتحول من كلية فى محافظة بعيدة لنفس الكلية فى محافظتك ولكن الكلية فى محافظتك واخده اعلى منك بدرجات بسيطة ممكن برضوا تحول . والتحويل او تقليل الأغتراب بنسبة كبيرة بيتوافق عليها للبنات .طب ينفع احول من كلية فى نطاق أ الى نفس الكلية وفى نطاق أ برضوا ؟ لاء ماينفعش لأن بيعتبروهم كلهم فى نطاق واحد يعنى لازم من نطاق مختلف لنطاق محافظتك . يعنى ماينفعش تحول من تجارة القاهرة لتجارة عين شمس او حلوان لأن الثلاثة بيعتبروهم نطاق واحد انما ممكن تحول من تجارة اسكندرية لتجارة عين شمس لو انت عايش فى القاهرة .لو حبيت انسق السنة الجاية هل بتنسيق هذا العام ام العام القادم ؟ هيكون بتتسيق هذا العام طبعا .لو حبيت اعمل امتحان قدرات العام القادم ممكن ادخل كليات القدرات بتنسيق هذا العام ؟ اه طبعا . ونصيحة خليك فى نفس الكلية اللى جاتلك والسنة الجاية اعمل امتحان قدرات وماتضيعش سنة من عمركممكن بعد ما اعمل استنفاذ رغبات اعمل تقليل اغتراب ؟ ممكن طبعا لو فى نفس نطاقك ومجموعها نفس مجموعك . عشان كده بقولك ركز اوى وانت بتكتب ال ٥ رغبات استنفاذ رغبات .ممكن اعمل تقليل اغتراب او تحويل مرة تانى لو اترفض فى المرة الأولى ؟ ممكن بس تغير الكلية يعنى الكلية اللى كنت هتحولها فى المرة الأولى ماينفعش تكتبها نفسها فى المرة التانية لأنها بالتأكيد هتترفض فلازم تغير لكلية تانية فى نفس نطاقك ونفس مجموعك .ليه مفيش كليات ادبى فى المرحلة التالتة وفى نفس الوقت فيه كليات علمى ؟المجلس الأعلى للجامعات بيحدد نسبة معينة لكل شعبة وللأسف معظم الكليات ممكن تاخد من الثلاث شعب فبالتالى عدد طلاب الشعبة الأدبية بيقل وده طبعا ظلم لشعبة ادبى ولكن لا نملك الأعتراض لأنه نظام معمول به من عشرات السنين .
طب انا مجموعى جايب كلية السن ومع ذلك ماجاتش ؟ماجاتش لأن متوسط الثلاث لغات عندك ( العربي والانجلش واللغة التانية ) اقل من الحد المسموح يعنى اقل من ٧٥% وبالتالى ماجاتش .
امتى هتفتح المرحلة التالتة ؟بعد ظهور نتيجة الدور التانى للثانوية العامة هيفتحوا المرحلة التالتة لجميع الناجحين سواء الناجحين فى الدور الأول او الدور التانى او من تخلفوا فى المرحلتين الأولى والتانية .
انا مرحلة اولى او تانية ومانسقتش حتى الأن ؟نسق مع المرحلة التالتة والتنسيق هيجيلك بنفس مرحلتك يعنى لو جايب ٩٢% علوم ومانسقتش مرحلة اولى او تانية ادخل نسق فى المرحلة التالتة وهيجيلك كليات الطب .
طب انا دور تانى وهنسق مرحلة تالتة ومجموعى يجيب هندسة هل هدخل هندسة ام كليات المرحلة التالتة ؟هتدخل هندسة . كل واحد هيدخل ينسق هيتفتحله تنسيق مرحلته ومجموعه حتى لو دور تانى .
اى اسئلة اكتبوها على نفس البوست وهحاول اجاوب عليها ان شاء الله .
ونصيحة ارضوا بالكليات والمعاهد اللى جاتلكم . اقسم بالله الخاص والأهلية خسارة فيهم الفلوس وخاصة لو وفرتوا الفلوس دى واخدتوا دورات لغة وبرمجة وقويتوا نفسكم هتبقوا احسن من الخاص والأهلية حتى لو معاهد او لو عملتوا بالفلوس دى اى مشروع لمستقبلك .
خطوات تقليل الإغتراب والتحويل بالخطوات , الناس تركز كويس فى الكلام
لازم تاخد بالك من كذا نقطه قبل ماقولك على خطوات تقليل الاغتراب :-
1- موقع تقليل الاغتراب والتحويل واحد بس تقليل الاغتراب اسمه " تحويل مناظر " والتحويل أسمه غير مناظر
--------------------------------------------------------------------------
2- لازم تاخد بالك ان لما الموقع يفتح متاح ليك تعمل حاجه واحده بس إما تحويل أو تقليل اغتراب
--------------------------------------------------------------------------
3- شرط التحويل الغير مناظر " التحويل "
1- ان تكون جايب مجموع الكلية اللى تحول لها انتظام او انتساب
2- ان تكون الكلية دى واقعة داخل نطاق " أ " فقط
3- مثال جالك تجارة المنصورة وانت عايز تحول حقوق المنصورة بما ان المنصورة نطاق " أ " بالنسبالك وكمان جايب مجموع حقوق يبقى التحويل هيقبل
4- مثال تانى جالك تجارة المنصورة وأنت عايز تحول حقوق عين شمس وانت نطاقك المنصورة وبرغم انك جايب حقوق عين شمس كدا التحويل مش هيقبل لان عين شمس خارج توزيعك الجغرافى
--------------------------------------------------------------------------
4- شرط التحويل المناظر " تقليل الاغتراب "
1- تحويل من كلية خارج نطاقك الجغرافى الى نفس الكلية داخل نطاقك الجغرافى ولا يشترط الحصول على مجموع الكلية
2- مثال جالك كلية تجارة عين شمس وعايز تحول تجارة المنصورة على الرغم ان مجموعك مش جايب تجارة المنصورة تقدر تحول عادى وكل مايكون الفرق بينك وبين تجارة المنصورة بسيط كل مايكون نسبه قبولك فى تقليل الاغتراب اكبر
3- في حالة ترشيح الطالب إلى كلية ما (انتظام) ويرغب في التحويل إلى كلية مناظرة لتقليل الاغتراب فيكون التحويل في هذه الحالة وفقاً لما يلي:
- إذا كان الطالب حاصل على مجموع درجات يفوق الحد الأدنى لمجموع درجات (الانتساب الموجه) الذي قبل بالكلية التي يرغب في التحويل إليها فيتم قيده حال الموافقة على تحويله وفق نظام (الانتظام).
- إذا كان الطالب حاصل على مجموع درجات يساوي أو أقل من الحد الأدنى لمجموع درجات (الانتساب الموجه) الذي قبل بالكلية التي يرغب في التحويل إليها فيتم قيده حال الموافقة على تحويله وفق نظام (الانتساب الموجه).
· يتم قبول تحويلات في حدود نسبة مئوية يحددها المجلس الأعلى للجامعات بنسبة 10% من الاماكن المقررة لكل كلية وطبقا للإمكانيات الاستيعابية للكليات
--------------------------------------------------------------------------
5- خطوات تقليل الاغتراب :-
1- لما موقع التحويل يفتح هتدخل عليه عادى زى خطوه الرغبات بالظبط هتكتب البيانات دى " صورة رقم " 1 "
2- هتضغط على قائمة جديدة " صورة رقم " 2 " ، هتلاقى قائمة كليات تقدر تضيف منها كلية او كتر وبعد كدا هتضغط التالى " صورة رقم 4 "
5- بعد كدا هتكتب البيانات اللى فى الصورة علشان تبعت الطلب لمكتب التنسيق " صورة رقم 5 "
6- بعد مانتيجة تقليل الاغتراب والتحويل تظهر هتلاقى لنفسك بطاقه ترشيح جديده زى اللى فى صورة 6 ويعتبر بطاقه الترشيح اللى قبل التحويل لاغية والبطاقة اللى بعد تقليل الاغتراب او التحويل هيا اللى هتقدم بيها فى الكلية " صورة رقم " 6 "